لواط کی قباحت اور فریقین کے نزدیک اس کی سزا کا جائزہ

An examination of the abomination of sodomy and its punishment according to the Both parties (Shia-Sunni)

Abstract

وہ غلط کاریاں جنہیں قرآن کریم نے صریحا  گناہ اور منکرات میں سے قرار دیا ہے، اُن میں سے ایک بدکاری "لواط" ہے۔اس مقالہ میں  لواط کے قبیح فعل کی تاریخ کا جائزہ لینے کے ساتھ ساتھ اور کی زمانہ حال کے ہم جنس بازوں کی طرف سے ترویج  کی حرکت کے تباہ کن سماجی اور اخلاقی نتائج کا بھی جائزہ لینے کے ضمن میں یہ نتیجہ اخذ کیا گیا ہے کہ لواط، شرعی لحاظ سے گناہ ہونے کے ساتھ ساتھ، عظیم انسانی اور سماجی بحران جنم دینے کا موجب ہے۔

اس مقالے میں لواط کے فعل کی شرعی حیثیت کو بھی اجاگر کیا گیا ہے  اور یہ نتیجہ اخذ کیا گیا ہے کہ لواط کی سزا کے حوالے سے اہل تشیع اور اہل تسنن کی فقہی آراء میں اختلاف پایا جاتا ہے۔ اہل تشیع اس فعل کی حرمت کے قائل ہیں، بلکہ اسے قابل سزا جرم قرار دیتے ہیں اور اس کےلیے اُن کے ہاں حدّ معین کی گئی ہے؛ جبکہ اہل تسنن کے ہاں اس فعل پر تعزیر کا فتوا دیا گیا ہے۔

ضمنی طور پر اس مقالے میں لواط کے قبیح فعل میں بعض ایسی شخصیات  کے ملوث ہونے یا نہ ہونے کے بارے میں بھی تحقیقی جائزہ لیا گیا ہے جو شخصیات دینی حیثیت و مقام اور مسلکی شناخت کی حامل قرار دی جاتی ہیں۔  مقالہ کے اس حصے میں یہ نتیجہ اخذ کیا گیا ہے کہ  بعض نادانوں کی طرف سے بعض مذہبی شخصیات کی طرف کے لواط کے قبیح فعل میں مبتلا ہونے کی ناروا نسبتیں قائم کرنا یا بعض ایسی شخصیات کو ایسے دین و مذہب کا پیروکار قرار دینا، جس کے وہ پیروکار نہیں تھے، بذاتِ خود  ایک ایسی حرکت ہے جو عقلی طور پر نادرست، اخلاقی نکتہ نگاہ  سے رذیلت اور قانونی لحاظ سے جرم شمار ہوتی ہے۔ لہذا کسی بھی دین و مذہب کے اثبات و ابطال میں اُس مذہب کے پیروکاروں کی طرف غلط، بےبنیاد اور ناروا نسبتیں قائم کرنا اور تہمتوں کا سہارا لینا، بذات خود ایک بزدلی، اخلاقی پستی، علمی بے مائیگی  اور   مدعی کے باطل  پر ہونے کی دلیل ہوتی ہے۔