عقیدۂ رجعت قرآن، حدیث اور عقل کی روشنی میں

BELIEF IN RESTITUTION - IN THE LIGHT OF HOLY QURAN, SUNNAH & REASON

Abstract

بعض مسلمان فرقوں کے ہاں’’رجعت ‘‘ کا عقیدہ پایا جاتا ہے جو عرصۂ دراز سے موردِ بحث و مباحثہ رہا ہے۔ اس مقالے میں یہ کوشش کی گئی ہے کہ رجعت کے معنی کی جانچ پڑتال، اس عقیدہ کے تاریخی پس منظر، اس کےحوالے سے ذہن میں اُبھرنے والے سوالات اور تاریخی قرائن و شواہد سے استفادہ کرتے ہوئے دینی تعلیمات اور عقلی دلائل کی اساس پر رجعت کے امکان اور تحقق پر استدلال کیا جائے۔ اس مقالہ میں قرآنِ کریم کی متعدّد آیات کی طرف اشارہ کرتے ہوئے ان تفسیری روایات کا جائزہ لیا گیا ہے جو رجعت کے تحقق کی خبر دیتی ہیں۔ اسی طرح ان روایات کا بھی پوری دقّت کے ساتھ جائزہ لیا گا ہے جو بطورِ مستقل اس عقیدے کو بیان کرتی اور مقالے ہذا کی مباحث کا اصلی محور ہیں۔ مقالہ کے آخر میں اس امر کا بغور جائزہ لیا گیا ہے کہ آیا یہ عقیدہ، قرآن و سنّتِ کی تعلیمات کے برخلاف اور ایک مَن گھڑت افسانہ ہے یا حقیقت پر مبنی عقیدہ؟