سیرت پیغمبر اکرمﷺ کی سیرت میں اسلامی تمدن کی تاسیس

The Establishment of Islamic civilization in the Role of the Holy Prophet (PBUH)

Abstract

راہبرِ انقلاب اسلامی، حضرت آیت اللہ العظمی سید علی خامنہ ای کی حضرت محمدﷺ کے ذی جود اور نازنین وجود  پر نگاہ، تامل اور تحقیق کے زاویے سے نگاہ شمار ہوتی ہے اور آپﷺ  کے بارے میں اُن کی تحلیل گہری اور ہمہ گیر ہے۔ حضرت آیت الله خامنه‌ای نے ایک عالم دین ہونے کے ناطے اپنی آٹھ دہائیوں پر مشتمل عمر میں ہمیشہ ائمہ ہدیٰ اور اسلامی پیشواوں اور بزرگوں کے دینی موقف اور ان کی سیرت کی تبیین و تشریح بیان کی ہے اور یہ بات تقریبا اطمینان کے ساتھ کہی جا سکتی ہے کہ انہوں نے پیغمبر اکرمﷺ کی تاریخِ زندگانی، آپ کے فرامین اور آپ کے کردار  کے تحلیل کے بارے میں کامل ترین بیانات اور مکتوبات پیش کیے ہیں؛ اور یہ کام آنحضرتﷺ کی ولادت سے رحلت تک کے زندگی کے تمام مراحل  پر مشتمل ہے۔ لیکن اس حوالے سے جس مطلب کو رہبر نے تقریروں میں، بعض اوقات اپنے مکتوبات میں اور بطور کلی، اپنے موقف کے بیان میں بہت دقت کے ساتھ اور بہت کثرت سے اور بڑی مہارت اور خوبصورتی کے ساتھ بیان کیا ہے  وہ تین اہم نکات ہیں؛ یعنی پیغمبر گرامی اسلام حضرت محمدﷺ کے ہاتھوں توحید پرستی، اخلاقیات کی پابندی اور اسلامی سماج اور تمدن کی تاسیس۔

توحید پرستی؛ یعنی تمام انسانوں کی سوچ کو ایک لاشریک ہستی کی طرف مائل کرنا؛ ایک ایسے یکتا مبداء Origin کی طرف مائل کرنا کہ ہر چیز اُسی سے ہے اور اُسی کی طرف لوٹتی ہے اور یہ ہستی تمام طاقتوں سے مافوق ہے۔ اخلاقیات میں انسانی کردار جہت Direction پاتا ہے؛ یعنی انسانی اقدار اور کریمانہ عادات کی طرف تمایل پاتے ہوئے "بُردباری، صبر، محبت، ایثار، پائیداری وغیرہ ۔۔۔" جیسی برتر صفات  سے متصف ہوتا ہے۔ اور جہاں تک اسلامی سماج اور تمدن کی تاسیس کا تعلق ہے تو یہ سابقہ دونوں کاموں کی تکمیل اور ان کی آخری منزل ہے۔ کیونکہ مسلمان فقط  ایک حکومتی نظام کے ہوتے ہوئے ہی توحید پرستی اور اخلاقی راہ ورسم کو زندہ رکھ سکتے اور اس کا اجراء کر سکتے ہیں۔ اس مقالے میں یہ کوشش کی گئی ہے کہ اسلامی انقلاب کے رہبر کے زاویہ نگاہ سے اِن تین حوالوں سے پیغمبر اکرمﷺ کی زندگی اور آپ کی سیرت کا تحلیلی جائزہ لیا جائے۔